წყალტუბოს მუნიციპალიტეტის სოფელ მაღლაკის N1 საჯარო სკოლაში მოსწავლეებში სპორტისა და ჯანსაღი ცხოვრების წესის პოპულარიზაციას დიდი ყურადღება ექცევა. ამ მიზნით, დირექცია და პედაგოგები მოსწავავლეებს არაერთ სპორტულ ღონისძიებაში რთავენ. მოსწავლეებიც აქტიურობით გამოირჩევიან და სკოლის სასახელოდ არაერთ წარმატებას აღწევენ.
მათ შორის მოსწავლეებმა წარმატებით იასპარეზეს ფრენბურთის შეჯიბრში.
9 აპრილს, საჩხერის მუნიციპალიტეტში სავანეს საჯარო სკოლაში გაიმართა სასკოლო-სპორტული ოლიმპიადის რეგიონალური თამაშების ფინალური ეტაპი ფრენბურთში ვაჟთა შორის.
ფინალში ერთმანეთს შეხვდნენ ზესტაფონისა და სოფელ მაღლაკის N1 საჯარო სკოლის გუნდები, რომელიც მაღლაკელთა გამარჯვებით დამთავრდა. გამარჯვებულ გუნდს გადაეცა თასი, მედლები და სიგელები. მედლებითა და სიგელებით დაჯილდოვდნენ გუნდის მწვრთნელები - გივი გუდაძე და იოსებ ფხაკაძე.
მაღლაკის N1 საჯარო სკოლის ფრენბურთელ ვაჟთა გუნდი ასპარეზობას ზონალურ თამაშებში გააგრძელებს.
იხილეთ ფოტო-ვიდეომასალა:
