ლანჩხუთის მუნიციპალიტეტის სოფელ აკეთის საჯარო სკოლის მოსწავლეებმა დედაენის დღე მრავალფეროვანი აქტივობებით აღნიშნეს.
მოსწავლეებმა, ამ დღეს ლიტერატურულ - მუსიკალური კომპოზიცია - „ქართული ქართველთ რწმენაა“, მიუძღვნეს.
აღსანიშნავია, რომ მე-12 კლასელებმა - ანი გეგიძემ და ნინი ჭანტურიშვილმა პოსტერი შექმნეს, სახელწოდებით - „დაიცავი ენის სიწმინდე“.
ღონისძიებას, ქართული ენისა და ლიტერატურის მასწავლებელი მერი ჩიკვილაძე ხელმძღვანელობდა.
შეგახსენებთ, რომ 1978 წლის 14 აპრილს კონსტიტუციაში სახელმწიფო ენის შესახებ ჩანაწერის ცვლილების წინააღმდეგ თბილისში სტუდენტური მანიფესტაციები დაიწყო. ცვლილების თანახმად, საქართველოს რესპუბლიკაში ქართული ენის, როგორც სახელმწიფო ენის სტატუსი უქმდებოდა. მანიფესტაციების შედეგად, ქართულ ენას სახელმწიფო ენის სტატუსი შეუნარჩუნდა. საბჭოთა კავშირის ხელისუფლებამ გააცნობიერა‚ რომ მხოლოდ ორი გამოსავალი იყო - სისხლისღვრა ან დათმობა და მოსკოვი იძულებული გახდა დაეთმო. ამ მოვლენების გამო 14 აპრილი დედაენის დღედ გამოცხადდა.
იხილეთ ფოტოები:
