ქაქუცა ჩოლოყაშვილის სახელობის ქალაქ თბილისის N178 საჯარო სკოლაში პედაგოგთა ხელმძღვანელობით, მოსწავლეები მნიშვნელოვან თარიღებს მონდომებით აღნიშნავენ.
ამჯერად, სკოლაში 1-ელიგ კლასის მოსწავლეები, რომელთა დამრიგებელი თინათინ პაპუაშვილი გახლავთ, დედაენის დღესთან დაკავშირებით საინტერესო აქტივობებში ჩაერთნენ.
როგორც სკოლაში გვიყვებიან, პირველკლასელები დედაენის დღეს სიტყვებით - „დედაენა ერთია! დედაენა ღმერთია!“ ეხმიანებიან.
ამ დღისადმი მიძღვნილ აქტივობებში მოსწავლეები დიდი ინტერესითა და ხალისით ჩაერთნენ.
„პატარებმა დაამზადეს ბარათები და მოაჩუქურთმეს ქართული ასო-ბგერები. ასევე, ვისაუბრეთ დედაენის მნიშვნელობაზე და ენის სიწმინდის დაცვის აუცილებლობაზე“, - აღნიშნავენ სკოლაში.
მოსწავლეებმა ასევე გაიხსენეს, რომ 14 აპრილი დედაენის დღედ 1978 წლის მოვლენების აღსანიშნად 1990 წლიდან დაწესდა.
მსავსი აქტივობები მოსწავლეთა ცნობიერების ამაღლებისა და მრავალმხრივ განვითარებისთვის მნიშვნელოვანია.
იხილეთ ფოტოები:
