ნინოწმინდის მუნიციპალიტეტის სოფელ გორელოვკის N2 საჯარო სკოლაში მორიგი საინტერესო და შემოქმედებითი ღონისძიება გაიმართა.
ღონისძიება, რომლის თემაც იყო - „პური“, მოსწავლეები მონდომებით, ინტერესითა და ხალისით ჩაერთნენ, მათ შესაძლებლობები გამოავლინეს და დრო ნაყოფიერად გაატარეს. აქტივობების ორგანიზატორი გაიანე კიურეგიანი იყო.
აღსანიშნავია, რომ ღონისძიებისთვის გარემო სპეციალურად, შთამბეჭდავად მოირთო, მოსწავლეთა ჩაცმულობაზე კი ნინოწმინდის კულტურის ცენტრმა იზრუნა. ღონისძიებას ესწრებოდნენ ნინოწმინდის მუნიციპალიტეტის სოფელ გორელოვკის N2 საჯარო სკოლის მოსწავლეები, მასწავლებლები და მშობლები.
„ღონისძიების მიზანია შეეხოს პურ-ლავაშს, პურ֊რიტუალს, პურ֊სიცოცხლის წყაროს, პურ-ნაწარმოებს და ამ ყველაფრის მნიშვნელობას სომეხის ცხოვრებაში, სომხური ხელოვნების ისტორიაში - ფოლკლორისა და ისტორიული თემების მეშვეობით“,- აღნიშნავენ სკოლაში.
იხილეთ ფოტოები: