„გარემოზე ზრუნვა ჩვენი ვალია!“ -ზემო ხანდაკის საჯარო სკოლის სკვერის გამწვანებაზე მოსწავლეებმა იზრუნეს
13-04-2023
პოლკოვნიკ ტარიელ შარიფაშვილის სახელობის კასპის მუნიციპალიტეტის სოფელ ზემო ხანდაკის საჯარო სკოლაში ეკოლოგიურ და გარემოსდაცვით საკითხებს დიდი ყურადღება ეთმობა.
ამ მიზნით, სკოლაში ტყის დღესთან დაკავშირებით საინტერესო ღონისძიება ჩატარდა.
ღონისძიების ფარგლებში, VIII კლასის მოსწავლეებმა, დამრიგებლის - თამილა ბაზანდარაშვილის ხელშეწყობით, სკოლაში არსებული სკვერის გამწვანებაზე იზრუნეს და მარადმწვანე მცენარეები დარგეს.
„გარემოზე ზრუნვა ჩვენი ვალია!“- ასეთი გახლდათ მოსწავლეთა გზავნილი.
აღსანიშნავია, რომ ღონისძიებაში, ბავშვები დიდი სიამოვნებითა და სიხარულით ჩაერთნენ.
იხილეთ ფოტოები:
სკოლების სიახლეები
