თბილისის N49 საჯარო სკოლაში დირექტორის ეკატერინე ცაავას ორგანიზებით, საქველმოქმედო ღონისძიება გაიმართა, რომლის თანმდევი სითბო, სიკეთე, თანადგომა და სიყვარული იყო.
ღონისძიების მიზანი, რომელსაც დირექტორი ტრადიციულად, სკოლის მოსწავლეების და მშობელთა თემის თანადგომით, პედკოლექტივის ჩართულიბით, ყოველ წელს სააღდგომოდ ახორციელებს, გაბრიელ ბერის სახელობის მოხუცებულთა, უძლურთა და მიუსაფართა სახლ „ზეიში” სტუმრობა იყო.
სკოლის წარმომადგენლები, თავშესაფრის მკვიდრებს ტკბილეულით სტუმრობენ, სურსათ - სანოვაგით უმასპინძლდებიან და სიმღერითა და ცეკვით ყოველდღიურ ყოფას უფერადებენ.
როგორც სკოლაში გვიყვებიან, წელს ამ საქველმოქმედო აქციის ორგანიზებაში დირექტორ ეკატერინე ცაავას, დიდი ენთუზიაზმით გვერდში ამოუდგნენ - მოადგილე ია ჯიქია, მე-12ა კლასის დამრიგებელი ნონა შენგელია, ამავე კლასის მოსწავლეები და მშობლები სრული შემადგენლობით.
„ზღვა სიხარული, ბედნიერების სხივი და სიცოცხლის სიყვარული იყო ამ დღის თანმდევი, გვიმრავლოს ნათელი დღეები!“ - აღნიშნავენ სკოლაში.
იხილეთ ფოტოები:
