კოდის საჯარო სკოლის სამოქალაქო კლუბის წევრებმა საგანმანათლებლო ღონისძიებაზე პირველ სემესტრში გაწეული სამუშაოს ანგარიში წარადგინეს
ვასილ ბარნოვის სახელობის თეთრიწყაროს მუნიციპალიტეტის სოფელ კოდის საჯარო სკოლის მოსწავლე-მასწავლებლები არაერთ საინტერესო პროექტში ერთვებიან. რუსთავში, სიქა-ს ოფისში, სამოქალაქო განათლების პროგრამის სემესტრის შემაჯამებელი სამუშაო შეხვედრა ჩატარდა. მას პროგრამის პარტნიორი თეთრიწყაროს 6 საჯარო სკოლის სამოქალაქო კლუბის, მოსწავლეთა თვითმმართველობის წევრები და სამოქალაქოს პედაგოგები ესწრებოდნენ.
ღონისძიებაზე კოდის საჯარო სკოლის სამოქალაქო კლუბის წევრმა - ციცი ჩინჩალაძემ და სკოლის თვითმმართველობის წევრმა - სოსო ყელბერაშვილმა პირველ სემესტრში გაწეული მუშაობის შესახებ პრეზენტაცია წარადგინეს და სასკოლო საზოგადოებასთან ერთად, ერთობლივად, განსახორციელებელ აქტივობებზე ისაუბრეს.
შეხვედრაზე ახალ სემესტრში განსახორციელებელი პროექტებიც დაიგეგმა, ღონისძიებამ ნაყოფიერად ჩაიარა.
იხილეთ ფოტოები: