ახალციხის მუნიციპალიტეტის სოფელ საყუნეთის საჯარო სკოლაში, 9 აპრილისადმი მიძღვნილი კვირეული გაიმართა.
კვირეულის ფარგლებში, ისტორიის მასწავლებლების - ფატი თაბუნიძისა და დიანა ვედიაკოვის ორგანიზებით, X და XI კლასის მოსწავლეებმა შემეცნებითი პრეზენტაციები მოაწყვეს.
პრეზენტაციები მოსწავლეებმა, საქართველოს ისტორიიდან მნიშვნელოვან მოვლენებს შესახებ და იმ ისტორიულ პიროვნებებზე მოამზადეს, რომლებმაც დიდი როლი შეასრულეს საქართველოს ისტორიაში.
საპრეზენტაციო თემები გახლდათ: ვახტანგ გორგასალი, მეფე დავითი და თამარი, ერეკლე მეორე, საქართველოს დემოკრატიული რესპუბლიკის ჩამოყალიბება 1918 წელს და 1989 წლის 9 აპრილი.
მოსწავლეებმა, საქართველოს ისტორიაში, გარდამტეხ ფაქტებზე, 9 აპრილის მოვლენებზე და თავიანთ დამოკიდებულებებზე ისაუბრეს.
მეშვიდე კლასის მოსწავლეებმა კი, ჯერ 9 აპრილთან დაკავშირებით მასწავლებლის მიერ წარმოდგენილი პრეზენტაცია მოისმინეს, შემდეგ საინტერესო ჩანახატები შექმნეს, სადაც საქართველოს ისტორიასთან დაკავშირებით თავიანთი დამოკიდებულება და ემოციები წარმოაჩინეს.
მოსწავლეებმა ჩანახატების პრეზენტაცია გამართეს, შემდეგ კი კლასში გამოფინეს.
იხილეთ ფოტოები:
