მცხეთის მუნიციპალიტეტის სოფელ ვაზიანის საჯარო სკოლაში პატრიოტული ღონისძიება გაიმართა, რომელმაც სასკოლო საზოგადოებას 9 აპრილის ისტორიული მნიშვნელობა შეახსენა.
ვაზიანის საჯარო სკოლის მე-9 კლასის მოსწავლეებმა 1989 წლის 9 აპრილს გმირულად გარდაცვლილთა უკვდავსაყოფად მათი ფოტოები გამოფინეს და ყვავილებით შეამკეს. მათ პრეზენტაცია გამართეს და კიდევ ერთხელ გაიხსენეს და პატივი მიაგეს 9 აპრილს დაღუპულთა ხსოვნას.
1989 წლის 9 აპრილს საბჭოთა არმიამ, თბილისის ცენტრში, პარლამენტის შენობასთან, საქართველოს დამოუკიდებლობის მოთხოვნით მოწყობილი მშვიდობიანი დემონსტრაცია დაარბია, რის შედეგადაც 21 ადამიანი დაიღუპა, ასობით კი დაიჭრა და მოიწამლა. 1991 წლის 9 აპრილს კი მაშინდელმა უზენაესმა საბჭომ საქართველოს სახელმწიფოებრივი დამოუკიდებლობის აღდგენა გამოაცხადა.
იხილეთ ფოტოები:
