მეორე ნამიკოლაოს საჯარო სკოლაში პატრიოტული ღონისძიება გაიმართა
11-04-2023
მარტვილის მუნიციპალიტეტის სოფელ მეორე ნამიკოლაოს საჯარო სკოლაში, 9 აპრილთან დაკავშირებით, პატრიოტული ღონისძიება გაიმართა.
ღონისძიება VIII კლასის დამრიგებელმა, სულიკო იობიძემ ჩაატარა.
აღსანიშნავია, რომ ღონისძიება სხვადასხვა საგანმანათლებლო აქტივობებით იყო დატვირთული.
მოსწავლეებმა, 1989 წლის 9 აპრილი გაიხსენეს, თავისუფლებისთვის მებრძოლ გმირებს მადლობა გადაუხადეს და გაიაზრეს თუ რას ნიშნავს ქვეყნის დამოუკიდებლობა და რამდენად მნიშვნელოვანია მისთვის ბრძოლა.
ღონისძიების დასასრულს, მოსწავლეები რაიონის მკვიდრ, 9 აპრილის სისხლიანი ტრაგედიის დროს დაღუპულ აზა ადამიას საფლავთან გავიდნენ და მის ხსოვნას პატივი მიაგეს.
სკოლის დირექტორი მიხეილ ნაჭყებია მოსწავლეებსა და პედაგოგებს მადლობას უხდის პატრიოტული ღონისძიების მოწყობისთვის.
იხილეთ ფოტოები:
სკოლების სიახლეები
