თბილისის N190 საჯარო სკოლის VIბ კლასში , 9 აპრილის დაღუპულ გმირთა ხსოვნას ქართული ენის გაკვეთილი მიეძღვნა.
გაკვეთილი სახელწოდებით - „სამშობლო მათ ხსოვნას სანთლებად აინთებს!”, 10 აპრილს გაიმართა და მას მასწავლებელი ქეთევან ჭელიძე ხელმძღვანელობდა.
მოსწავლეებმა გაიხსენეს, 1989 წელის 9 აპირილი, თარიღი, რომლეც მძიმედ ჩაიწერა ჩვენი ქვეყნის ისტორიაში და რომელმაც საქართველო დამოუკიდებლობისთვის გარდამტეხი როლი ითამაშა.
„9 აპრილი სისხლიანი იარაა დედა საქართველოს მკერდზე, გვახსოვდეს სამშობლოს ზვარაკად შეწირული გმირები. ისინი ზეციდან გვლოცავენ და გვმფარველობენ...“,- აღნიშნავენ სკოლაში.
ცნობისთვის, 1989 წლის 9 აპრილს, თბილისში ტრაგედია დატრიალდა, რაც გამოიხატა საბჭოთა არმიის მიერ საქართველოს დამოუკიდებლობის მოთხოვნით მოწყობილი მშვიდობიანი დემონსტრაციის ძალისმიერ დარბევაში. შედეგად 21 ადამიანი დაიღუპა და 427 კი, დაშავდა. 9 აპრილი კი საქართველოს დამოუკიდებლობის მოპოვებისთვის გარდამტეხი თარიღი გახდა.
იხილეთ ფოტოები:
