თბილისის კერძო სკოლა „ცოდნაში“, მოსწავლეებში ურთიერთთანამშრომლობისა და გუნდურობის უნარ-ჩვევების ჩამოყალიბების, სხარტი და ლოგიკური აზროვნების განვითარების მიზნით, შიდასასკოლო ინტელექტუალური თამაში გაიმართა.
თამაშის - „რა? სად? როდის?“, ორგანიზატორი მათემატიკის მასწავლებელი მარიამ ნადირაძე გახლდათ.
აღსანიშნავია, რომ პროექტში მე-71 და მე-72 კლასის მოსწავლეები მონაწილეობდნენ.
როგორც სკოლაში გვიყვებიან, თამაში საინტერესოდ წარიმართა, გუნდებს გულშემატკივრობდნენ საბაზო და საშუალო საფეხურის მოსწავლეები და მასწავლებლები.
წამყვანის მიერ დასმული კითხვები მოიცავდა, როგორც სასკოლო-საგნობრივ ცოდნას, ასევე ზოგადი განათლების სფეროს.
ჟიურიმ- ნაზი ნადირაძემ, ნინო მელქაძემ, ლია ბაზაძემ და ია ულუმბერაშვილმა, გამოავლინა გამარჯვებული გუნდი, რომლის წევრებიც გახლდათ: კაპიტანი - ნუკი უჭუჭიშვილი, მათე ნარმანია, ტომას ხურცილავა და საბა ჩიკვაიძე.
ბლიცკითხვების ტურში, დასახელდა საუკეთესო კაპიტანი მე-71 კლასის მოსწავლე ლიზი მაჭარაშვილი.
აღსანიშნავია, რომ პირველი, მეორე და მესამე ადგილების მფლობელ გუნდებს, საუკეთესო კაპიტანს და პროექტის მონაწილე ყველა მოსწავლეს, შესაბამისი სერტიფიკატები გადაეცათ.
იხილეთ ფოტოები:
