ხულოს მუნიციპალიტეტის სოფელ განახლების საჯარო სკოლის პედაგოგები ღირსეულ მოქალაქეებს ზრდიან. ისინი მოსწავლეებს როგორც საკუთარი, ისე სხვების უფლებების დაცვასა და პატივისცემას ასწავლიან. სკოლაში სხვადასხვა საკითხზე მოსწავლეთა ცნობიერების ამაღლების მიზნით საგანმანათლებლო ღონისძიებები თუ აქტივობები იმართება.
შესაბამისად მოსწავლე-მასწავლებლების ყურადღების მიღმა არ დარჩენილა დაუნის სინდრომის მსოფლიო დღე. ამ დღესთან დაკავშირებით, სკოლაში, II-IV კლასკომპლექტში საგანმანათლებლო ღონისძიება მოეწყო. მოსწავლეებმა დაუნის სინდრომის შესახებ გავრცელებული მითები დაამსხვრიეს.
ღონისძიების მიზანი იყო მოსწავლეებისთვის დაუნის სინდრომის შესახებ ცნობიერების ამაღლება, სინდრომის მქონე ადამიანების აქტიურ ცხოვრებაში მონაწილეობის მხარდაჭერა.
როგორც სკოლაში გვეუბნებიან, ღონისძიების დასასრულს მოსწავლეებმა მრავალფეროვანი ნამუშევრები შექმნეს და ნახატებში სითბო და სიყვარული ჩააქსოვეს.
იხილეთ ფოტოები:
