თბილისის N219 საჯარო სკოლაში, შემეცნებითი ხასიათის პროექტი განხორციელდა, რომელმაც სასკოლო საზოგადოებას 9 აპრილის ისტორიული მნიშვნელობა შეახსენა.
პროექტი - „9 აპრილი“, საზოგადოებრივი მეცნიერების კათედრის წევრებმა - მაია ავალიშვილმა და ლია იობაშვილმა, X კლასის მოსწავლეებთან ერთად ჩაატარეს.
მოსწავლეებმა, 9 აპრილის ტრაგიკულ მოვლენებთან დაკავშირებით, პოსტერი და ფლაერი შექმნეს, ასევე შემეცნებითი კონფერენცია მოეწყო და დოკუმენტური ფილმი „9 აპრილის საიდუმლო“, ნახეს.
პროექტის მონაწილეებმა დამსწრე საზოგადოებას დაურიგეს ფლაერი და ტიტები, როგორც 9 აპრილის სიმბოლოა.
მოსწავლეებმა, პროექტით სასკოლო საზოგადოებას კიდევ ერთხელ შეახსენეს 1989 წლის 9 აპრილის მოვლენები, თავისუფლებისთვის მებრძოლი ერის ტრაგედია და მომავალი გამარჯვებისთვის გადადგმული, გარდამტეხი ნაბიჯი.
ცნობისთვის, 1989 წლის 9 აპრილს, თბილისში ტრაგედია დატრიალდა, რაც გამოიხატა საბჭოთა არმიის მიერ საქართველოს დამოუკიდებლობის მოთხოვნით მოწყობილი მშვიდობიანი დემონსტრაციის ძალისმიერ დარბევაში. შედეგად 21 ადამიანი დაიღუპა და 427 კი, დაშავდა. 9 აპრილი კი საქართველოს დამოუკიდებლობის მოპოვებისთვის გარდამტეხი თარიღი გახდა.
იხილეთ ფოტო:
