ამბროლაურის N1 საჯარო სკოლის პროექტი გრანტების კონკურსის ერთ-ერთი გამარჯვებულია
10-04-2023
ამბროლაურის N1 საჯარო სკოლის მოსწავლე-მასწავლებლები სხვადასხვა პროექტში აქტიურად მონაწილეობენ.
ამჯერად, სკოლამ წარმატებას საგანმანათლებლო გრანტების კონკურსში მიაღწია.
გრანტების კონკურსი სკოლის პარტნიორმა საერთაშორისო ორგანიზაციამ, გარემოსდაცვითი განათლების ფონდმა (FEE) გამოაცხადა.
კონკურსში, მთელი მსოფლიოდან 100-ზე მეტი განაცხადი შევიდა და მათგან საუკეთესო სამოცი შეირჩა.
გამარჯვებულ პროექტებს შორის ყველაზე მეტი - 19 საქართველოდანაა, მათგან ერთ-ერთი გამარჯვებული პროექტი ამბროლაურის N1 საჯარო სკოლისაა.
„გვიხარია, რომ გამარჯვებულ პროექტებს შორის, ყველაზე მეტი - 19 პროექტი საქართველოდანაა. ვულოცავთ გამარჯვებულებს და წარმატებას ვუსურვებთ მათ“, - აღნიშნავს სკოლის წარმომადგენელი.
სკოლების სიახლეები
