ასპინძის მუნიციპალიტეტის სოფელ ორგორის საჯარო სკოლის მოსწავლეთა გუნდები ინტელექტუალურ შეჯიბრში მონაწილეობდნენ.
ინტელექტუალური ჩემპიონატის - „ტვინების ბრძოლა“, რეგიონალური შეხვედრა ახალციხის N1 სკოლაში გაიმართა. მასში ორგორის საჯარო სკოლის 2 გუნდი - „ლომები“ და „ჭკვიანები“ ჩაერთნენ, ღირსეულად იასპარეზეს, შესაძლებლობები გამოავლინეს და წარმატებას მიაღწიეს.
რეგიონალურ ჩემპიონატში გუნდმა „ლომები“ პირველი ადგილი დაიკავა.
„ლომების“ კაპიტანი მიხეილ ნარიმანიძე, წევრები კი მათე თეთრაძე, ქეთევან ჭიკაიძე, ანამარია ივანიძე, ნიკოლოზ ნარიმანიძე იყვნენ, ხოლო „ჭკვიანების“ კაპიტანი ხატია არგანაშვილი, წევრები - ლექსო არგანაშვილი, მარიამ არგანაშვილი, მარიამ ნარიმანიძე და გიგი მელიქიშვილი იყვნენ.
„თითოეულ მოსწავლეს, მასწავლებლებს და მშობლებს ვულოცავთ ამ გამარჯვებას“,- აღნიშნავენ სკოლაში.
იხილეთ ფოტოები:
