ახალქალაქის მუნიციპალიტეტის სოფელ ბარალეთის N1 საჯარო სკოლაში მოსწავლეთა ინტერესებზე მორგებული მეტად საინტერესო სასწავლო პროცესი მიმდინარეობს.
ამჯერად, პირველ კლასში საინტერესო ღია გაკვეთილი ჩატარდა, რომელშიც მოსწავლეები ხალისითა და ინტერესით ჩაერთნენ.
ბავშვები გაეცნენ იგავ - არაკს - „მელა და წერო“. იგავის შესახებ აზრი გამოხატეს და პერსონაჟთა საქციელსა და მეგობრობაზე ისაუბრეს.
აღსანიშნავია, რომ გაკვეთილს მე-2-დან მე- 5 კლასის ჩათვლით მოსწავლეები და მასწავლებლები ესწრებოდნენ.
იგავ-არაკთან დაკავშირებით, აზრი დამსწრე საზოგადოებამაც გამოხატა.
მოსწავლეებმა და აუდიტორიამ, მეგობრობასა და სტუმართმოყვარეობაზე ისაუბრეს და ეს საკითხები წაკითხულის მიხედვით განიხილეს.
როგორც სკოლაში გვიყვებიან, გაკვეთილი ინტერაქციულ რეჟიმში წარიმართა, შეხვედრა ძალიან სასარგებლო, საინტერესო და პროდუქტიული აღმოჩნდა.
იხილეთ ფოტოები:
