ფოთის კერძო სკოლა „გიმნაზიაში“ მოსწავლეთა ცნობიერების ამაღლების მიზნით, სხვადასხვა მნიშვნელოვანი თარიღი აღინიშნება.
ამჯერად, სკოლაში მოსწავლეებმა, პედაგოგ ნინო მეგრელიშვილის ხელმძღვანელობით, აუტიზმის ცნობადობის ამაღლების საერთაშორისო დღე აღნიშნეს.
მათ აღნიშნულ დღეზე საინტერესო ინფორმაციები მოიძიეს, გაეცნენ მის მნიშვნელობას, თემატური პლაკატები დაამზადეს და ცოდნა აიმაღლეს.
აქტივობაში მოსწავლეები მონდომებით, ხალისითა და ინტერესით ჩაერთნენ.
2 აპრილი აუტიზმის ცნობადობის ამაღლების მსოფლიო დღედ გაეროს გენერალურმა ასამბლეამ 2007 წელს გამოაცხადა. ამ დღის დაწესება აუტიზმის შესახებ ინფორმაციის გავრცელებასა და საზოგადოების ცნობიერების ამაღლებას, ასევე, აუტისტური სპექტრის მქონე ადამიანების ფუნდამენტური უფლებების დაცვასა და რეალიზებას ემსახურება.
იხილეთ ფოტოები:
