ქობულეთის წმიდა მღვდელმოწამე სრულიად საქართველოს კათოლიკოს-პატრიარქ კირიონ II-ის სახელობის საგანმანათლებლო მართლმადიდებლური ცენტრის მოსწავლეები სხვადასხვა კონკურსსა თუ ღონისძიებაში აქტიურად ერთვებიან და წარმატებასაც აღწევენ.
ამჯერად, მართლმადიდებლური ცენტრის მოსწავლეები ჩოხატაურის სამრევლო სკოლაში საპატრიარქოს ახალგაზრდული ცენტრის ეგიდით ჩატარებულ ინტელექტუალურ თამაშში - „ჩვენ ვსწავლობთ ბიბლიას“ მონაწილეობდნენ.
კონკურსში ერთმანეთს ქობულეთის წმინდა მღვდელმოწამე სრულიად საქართველოს კათოლიკოს-პატრიარქ კირიონ II-ის სახელობის საგანმანათლებლო მართლმადიდებლური ცენტრის ჯგუფი „ივერონი“ და ჩოხატაურის ყოვლადწმინდა ღვთისმშობლის სამრევლო სკოლის ჯგუფი „მეთერთმეტე ჟამის მუშაკნი“ შეხვდნენ.
როგორც ცენტრში გვიყვებიან, კონკურსი სასკოლო ეტაპისთვის, სრულიად საქართველოს კათოლიკოს - პატრიარქ, უწმინდესისა და უნეტარესის ილია II-ის ლოცვა კურთხევით, საპატრიარქოსთან არსებული ახალგაზრდობის სულიერი და ინტელექტუალური განვითარების ცენტრის, განათლების და მეცნიერების სამინისტროს მხარდაჭერით ყოველწლიურად იმართება.
„თამაში საკმაოდ საინტერესო და დაძაბული გამოდგა. ჩვენმა გუნდმა 29 ქულა დააგროვა. შესაბამისად , „ივერიონი“ მონაწილეობას გააგრძელებს ნახევარფინალში. წარმატებები ჩვენ საამაყო გუნდს!“, - აღნიშნავენ საგანმანათლებლო მართლმადიდებლური ცენტრში.
მსგავსი კონკურსები მოსწავლეთა განვითარებასა და ცოდნის ამაღლებას ხელს უწყობს, რაზეც ცენტრში ზრუნავენ.
იხილეთ ფოტოები:
