ხელვაჩაურის მუნიციპალიტეტის სოფელ ახალშენის N2 საჯარო სკოლის მოსწავლეები იღებენ როგორც ხარისხიან ფორმალურ განათლებას, ასევე აქტიურად არიან ჩართულნი არაფორმალური განათლების პროექტებში და წარმატებასაც აღწევენ. 

ამჯერად, მოსწავლეები გუნდურ ინტელექტუაურ თამაშში - „ტვინების ბრძოლა“ ჩაერთნენ. 

თავდაპირველად სკოლაში ინტელექტუალური თამაშის შიდასასკოლო ჩემპიონატი გაიმართა. მოსწავლეებმა იაქტიურეს და შესაძლებლობები წარმოაჩინეს. 

მეორე ტურში გადავიდნენ მე-5 და მე-7 კლასის მოსწავლეები.  

2 აპრილს, მე-5 და მე-7 კლასის მოსწავლეებმა ბათუმში, სასტუმრო „ლეგენდაში“, „ტვინების ბრძოლის“ რეგიონულ ჩემპიონატში მიიღეს მონაწილეობა.

ფინალში გადავიდნენ მე-5 და მე-7 კლასის გუნდები. მე-5 კლასის გუნდმა - „ტვინიკოსებმა“ მოიპოვა მე-3 ადგილი და გადავიდა ფინალურ ტურში, რომელიც 23 აპრილს გაიმართება.

სკოლაში მოსწავლეებს წარმატებას ულოცავენ და წინსვლას უსურვებენ. 

კლასის დამრიგებლები - დალი დევაძე და მაყვალა ანანიძე გახლავთ.