მურჯახეთის საჯარო სკოლის მოსწავლეებმა დედებს ლამაზი ღონისძიება მიუძღვნეს
03-04-2023
ახალქალაქის მუნიციპალიტეტის სოფელ მურჯახეთის საჯარო სკოლაში სასწავლო წელი აქტიურად მიმდინარეობს. მოსწავლეები სხვადასხვა ღონისძიებასა და აქტივობაში მონდომებით ერთვებიან.
ამჯერად, სკოლაში ელმირა მარგარიანის ხელმძღვანელობით, ღონისძიება - „დედის დღე და გაზაფხული ერთად მოგვილოცნია!“ გაიმართა.
მოსწავლეებმა აღნიშნულ ღონისძიებაზე დედებს ლექსები, სიმღერები, მიუძღვნეს. მშობლები მისალოცი ბარათებით, საჩუქრებით გაახარეს და ასე მიულოცეს მათ 3 მარტი.
აქტივობებში მოსწავლეები დიდი ხალისით, ინტერესითა და მონდომებით ჩაერთნენ.
მსგავსი ღონისძიებები და აქტივობები მოსწავლეთა შემოქმედებითი უნარების წარმოჩენისა და განვითარებისთვის მნიშვნელოვანია.
იხილეთ ფოტოები:
სკოლების სიახლეები
