აბაშის მუნიციპალიტეტის სოფელ ნაესაკოვოს საჯარო სკოლის მე-10 კლასის წარჩინებული მოსწავლეები - ანა ქორჩილავა, ლიზი ლეკვეიშვილი და რუსუდან თოფურია პროგრამის - „ჩემი პირველი კომპიუტერი“ ფარგლებში დაჯილდოვდნენ.
მოსწავლეები საბაზო საფეხურის წარჩინებით დამთავრებისთვის კომპიუტერებით საზეიმო ვითარებაში დასაჩუქრდნენ. მოსწავლეებს დამსახურებული ჯილდო აბაშის მერმა, გიგა გაბელაიამ რესურსცენტრის წარმომადგენელ კობა გაბელაიასთან ერთად გადასცა.
სკოლის დირექცია და პედაგოგები მოსწავლეებს წარმატებას კიდევ ერთხელ ულოცავენ და წინსვლას უსურვებენ.
აღსანიშნავია, რომ პროგრამა - „ჩემი პირველი კომპიუტერი“ 2009 წლიდან ხორციელდება. პროგრამით საჯარო სკოლის ის მოსწავლეები სარგებლობენ, რომლებმაც საბაზო საფეხური წარჩინებით დაამთავრეს და მათი საფეხურის ნიშანი 10 ქულაა.
იხილეთ ფოტო:
