ჩხოროწყუს მუნიციპალიტეტის მუხურის თემის საჯარო სკოლის მოსწავლეები დავით ჩიქოვანი, მარიამ გახარია და თამთა ჩიქოვანი პროგრამის - „ჩემი პირველი კომპიუტერი“ ფარგლებში დაჯილდოვდნენ.
მოსწავლეებს პორტაბელური კომპიუტერები საბაზო საფეხურის წარჩინებით დასრულებისათვის მუნიციპალიტეტის მერმა - დათო გოგუამ, მერის მოადგილე - ვალერი თოდუამ და საგანმანათლებლო რესურსცენტრის უფროსმა - ლია ჯალაღონიამ საზეიმო ვითარებაში გადასცეს. ისინი ნიჭიერი, შედეგზე ორიენტირებული, ბეჯითი მოსწავლეები არიან.
სკოლაში მოსწავლეთა წარმატებით ამაყობენ და წინსვლას უსურვებენ.
„მშობლიური სკოლა ულოცავს მოსწავლეებს მიღწეულ შედეგებს და შემდგომ წარმატებებს უსურვებს“,- წერია მისალოც წერილში.
აღსანიშნავია, რომ პროგრამა - „ჩემი პირველი კომპიუტერი“ 2009 წლიდან ხორციელდება. პროგრამით საჯარო სკოლის ის მოსწავლეები სარგებლობენ, რომლებმაც საბაზო საფეხური წარჩინებით დაამთავრეს და მათი საფეხურის ნიშანი 10 ქულაა.
იხილეთ ფოტოები:
