ტყიბულის მუნიციპალიტეტის სოფელ ჯვარისის საჯარო სკოლაში მოსწავლეთა სწავლისადმი ინტერესის გაღვივებისა და მოტივაციის ამაღლების მიზნით, სხვადასხვა სახის აქტივობა იმართება. პედაგოგები მოსწავლეებს მეტად საინტერესო სასწავლო დღეებს სთავაზობენ.
ამჯერად, სკოლის I კლასში ინგლისურ ენისა და სპორტის ინტეგრირებული გაკვეთილი ჩატარდა.
გაკვეთილს ხელმძღვანელობდნენ ინგლისური ენის პედაგოგი - მირანდა გიორგაძე და დაწყებითი კლასების/სპორტის პედაგოგი მარი გიორგაძე.
აღსანიშნავია, რომ სკოლაში ასევე მნიშვნელოვანი ყურადღება ექცევა მოსწავლეთა შემოქმედებითი უნარების წარმოჩენასა და განვითარებას.
სწორედ ამიტომ, სკოლაში I (ხელმძღვანელი მარი გიორგაძე), II (ხელმძღვანელი შორენა გიორგაძე) და III ( ხელმძღვანელი დალი გიორგაძე) კლასების მოსწავლეებმა საგაზაფხულო განწყობა შექმნეს - მათ საკლასო ოთახი ლამაზი ნამუშევრებით მორთეს.
აქტივობაში მოსწავლეები დიდი მონდომებითა და ხალისით ჩაერთნენ.
მსგავსი აქტივობები მოსწავლეთა შემოქმედებითი უნარების განვითარებას ხელს უწყობს.
იხილეთ ფოტო-ვიდეომასალა:
