ოთარ ჩხეიძის სახელობის გორის მუნიციპალიტეტის სოფელ ყელქცეულის საჯარო სკოლის მოსწავლეებთან სამხედრო მოსამსახურეებმა საინფორმაციო ხასიათის შეხვედრა გამართეს.
სკოლას დავით აღმაშენებლის სახელობის საქართველოს ეროვნული თავდაცვის აკადემიის წარმომადგენლები - ვიცეპოლკოვნიკი ვახტანგ ზედგინიძე და მაორი სოლომონ ნადირაძე ესტუმრნენ.
საინფორმაციო შეხვედრა, რომელიც ითვალისწინებდა მოსწავლეებისთვის სამხედრო სამსახურის მნიშვნელობის გაცნობასა და პატრიოტული სულისკვეთების უფრო მეტად გაღრმავებას, საინტერესოდ წარიმართა.
ჯარისკაცებმა მოსწავლეებს სალექციო ფორმატში პრეზენტაციების სახით თავდაცვის ძალების ისტორია, ამოცანა, თავდაცვის ძალებში მოხვედრისა და სამხედრო განათლების მიღების შესაძლებლობები, თავდაცვის სფეროში მიმდინარე რეფორმები, ნატო-საქართველოს ურთიერთობები გააცნეს.
სტუმრებმა მოსწავლეთა კითხვებს ამომწურავი პასუხები გასცეს.
იხილეთ ფოტოები:
