ბადრი ბასილაძის სახელობის თერჯოლის მუნიციპალიტეტის სოფელ ჭოგნარის საჯარო სკოლის მე-7 კლასში საინტერესო პროექტ-გაკვეთილი ჩატარდა.
პროექტ-გაკვეთილის თემა - „ჩვენ ვართ გადაცემის სტუმრები“/„Wir sind die Gäste der Sendung“, გახლდათ.
აღსანიშნავია, რომ პროექტი თერჯოლის N1 საჯარო სკოლის მოსწავლეებთან ერთად განხორციელდა, რომელსაც გერმანული ენის მენტორი მასწავლებელი, თამარ შანიძე ხელმძღვანელობდა.
როგორც სკოლაში გვიყვებიან, აღსაზრდელებმა პროექტ - გაკვეთილის ფარგლებში შეძლეს სხვადასხვა საკითხებზე თავიანთი აზრის ჩამოყალიბება და მსჯელობა.
პროექტ-გაკვეთილის მიზანს წარმოადგენდა ორი სკოლის თანატოლი მოსწავლეების გაცნობა და ერთი დავალების ირგვლივ თანამშრომლობის უნარების განვითარება.
აღსანიშნავია, რომ პროექტი გერმანულ ენაზე წარიმართა.
პროექტ - გაკვეთილს ესწრებოდნენ: თერჯოლის N1 საჯარო სკოლის დირექტორის მოადგილე - თეა მაცაბერიძე, ინგლისურის მასწავლებელი - ანა მემანიშვილი და ინფორმაციული და საკომუნიკაციო ტექნოლოგიების მასწავლებელი - ლილი ყუფარაძე.
სკოლის დირექტორი ლუიზა ნიშნიანიძე, მოსწავლეებსა და პედაგოგებს საინტერესო პროექტისთვის მადლობას უხდის და სამომავლო საქმიანობაში წარმატებას უსურვებს.
იხილეთ ფოტოები:
