ბათუმის ელიტურ სკოლაში - „გორდა“ მოსწავლეთა წიგნიერების დონის ამაღლებას მნიშვნელოვანი ყურადღება ექცევა. ისინი, პედაგოგებთან ერთად, სხვადასხვა საგანმანათლებლო და საინტერესო პროექტსა და აქტივობაში მონდომებით ერთვებიან.ამჯერად, სკოლის აკადემიური დირექტორი - თამარ მურვანიძე, უცხოური ენების, დაწყებითი კლასების კათედრების მასწავლებლები და უფროსკლასელები მონაწილეობდნენ ბათუმის წიგნისა და უმაღლესი განათლების პირველ საერთაშორისო გამოფენაში, რომელსაც “Batumi Book &Higher Education 2023” მასპინძლობდა.
როგორც სკოლაში გვიყვებიან, გამოფენის მიზანია წიგნის კითხვის პოპულარიზაცია, საგამომცემლო სექტორის განვითარების ხელშეწყობა და თანამედროვე ტექნოლოგიების გაცნობა, საერთაშორისო კონფერენციის ჩატარება და სხვადასხვა შემეცნებით-გასართობი პროგრამები.
გამოფენა კომპანია “Expo Batumi”-ის ორგანიზებით გაიმართა.
ღონისძიება წარმატებით ჩატარდა. სკოლის წარმომადგენლებმა პროექტის ხელმძღვანელებთან საინტერესო საკითხებზე ისაუბრეს.
„მისასალმებელია ის ფაქტი, რომ მიუხედავად გადატვირთული გრაფიკისა, მოხერხდა გვესაუბრა და English Book Education-ის ხელმძღვანელობასთან ერთად გვემსჯელა ჩვენს სკოლაში მომავალი სასწავლო წლისთვის დასანერგ სიახლეებზე, ახალი სახელმძღვანელოების დანერგვის, დაწყებით საფეხურზე მათემატიკის ორენოვანი (ქართული, ინგლისური) სწავლების შემოღების, პედაგოგთა გადამზადებისა და ობსერვაციული კვლევების საკითხებზე“, - აღნიშნავს სკოლის წარმომადგენელი.
აღსანიშნავია, რომ მსგავს ღონისძიებებში სკოლის წარმომადგენლები განვითარების მნიზნით, აქტიურად ერთვებიან.
იხილეთ ფოტოები: