ტყიბულის N6 საჯარო სკოლაში მოსწავლეთა წიგნიერების დონის ამაღლებას და ინტელექტუალური და ანალიტიკური უნარების განვითარებას მნიშვნელოვანი ყურადღება ექცევა. ამ მიზნით სკოლაში არაერთი ღონისძიება იმართება. მოსწავლეებიც ინტელექტუალური ხასიათის კონკურსებში აქტიურად ერთვებიან და წარმატებით მონაწილეობენ.

ამჯერად, VII^ა (კლასის ხელმძღვანელი - ცირა კუბლაშვილი) და VII^ბ (კლასის ხელმძღვანელი - კონსტანტინე გოშხეთელიანი) კლასის მოსწავლეები თამაშში - „წიგნების თარო“, ჩაერთნენ.

ინტელექტუალური თამაში სკოლაში გაიმართა და საკმაოდ დაძაბულად წარიმართა.

შიდა ჩემპიონატის საფუძველზე გამოვლენილი გამარჯვებული გუნდები ერთმანეთს ფინალში შეხვდნენ, სადაც გაიმარჯვა VII^ა კლასის გუნდმა.

გუნდის წევრები გახლდათ: მარიამ გაბრიაძე, რომან გაბრიაძე, ელენე ქარქაშაძე, ალექსი ტყემალაძე და ნინი გოტიაშვილი.

მოსწავლეებმა კონკურენტუნარიან გარემოში საკუთარი შესაძლებლობების გამოვლენა წარმატებით მოახერხეს.

იხილეთ ფოტოები: