წალენჯიხის მუნიციპალიტეტის საჩინოს თემის N2 საჯარო სკოლის მე-6 კლასის მოსწავლეებს, სასწავლო თემის - „ადამიანის სხეული და ჯანმრთელობა“ ფარგლებში, საინტერესო პრაქტიკული გაკვეთილი ჩაუტარდათ.
სასწავლო პროცესი სკოლის ექრთნის მონაწილეობით წარიმართა.
როგორც სკოლაში გვიყვებიან, გაკვეთილის მიზანი იყო მოსწავლეებს, წნევისა და პულსის გაზომვა შეესწავლათ.
მოსწავლეებმა შეთავაზებული დავალებები ინტერესით და პასუხისმგებლობით შეასრულეს და დაკისრებულ საქმიანობას თავი წარმატებით გაართვეს.
„მსგავსი ტიპის აქტივობები აუცილებელია საბუნებისმეტყველო საგნების სწავლებაში, რადგან ხელს უწყობენ ცოდნის ტრანსფერს და გამოყენებას ყოფა-ცხოვრებაში. ასევე, პრაქტიკული სამუშაო, მოსწავლეებში კვლევისა და დაკვირვების უნარ-ჩვევებს აყალიბებს“, - აღნიშნავს გაკვეთილის ხელმძღვანელი ანნა წულაია.
პედაგოგი და დირექცია აქტივობის მონაწილეებსა და მიწვეულ ექთანს მადლობას უხდის აქტიურობისთვის.
