ჩხენიშის საჯარო სკოლის წარჩინებულ მოსწავლეს - მარიამ მიქელაძეს პორტაბელური კომპიუტერი გადაეცა
28-03-2023
სამტრედიის მუნიციპალიტეტის სოფელ ჩხენიშის საჯარო სკოლის მოსწავლე, რომელმაც საბაზო საფეხური წარჩინებით დაამთავრა, პროგრამის - „ჩემი პირველი კომპიუტერი“ ფარგლებში დაჯილდოვდა.
წარჩინებული სწავლისთვის მოსწავლეს - მარიამ მიქელაძეს საქართველოს განათლებისა და მეცნიერების სამინისტროს წამახალისებელი საჩუქარი - პორტაბელური კომპიუტერი მუნიციპალიტეტის მერმა დავით ბახტაძემ და საგანმანათლებლო რესურსცენტრის უფროსმა თინათინ ხარძიანმა გადასცა.
„ჩვენი სკოლის სახელით ყველა მოსწავლეს ვულოცავთ ამ დიდ წარმატებას“, - აღნიშნავს სკოლის წარმომადგენელი.
აღსანიშნავია, რომ პროგრამა - „ჩემი პირველი კომპიუტერი“ 2009 წლიდან ხორციელდება. პროგრამით საჯარო სკოლის ის მოსწავლეები სარგებლობენ, რომლებმაც საბაზო საფეხური წარჩინებით დაამთავრეს და მათი საფეხურის ნიშანი 10 ქულაა.
სკოლების სიახლეები
