წყალტუბოს მუნიციპალიტეტის სოფელ ტყაჩირის საჯარო სკოლის მოსწავლეები, რომლებმაც საბაზო საფეხური წარჩინებით დაამთავრეს, პროგრამის - „ჩემი პირველი კომპიუტერი“ ფარგლებში დაჯილდოვდნენ.
წარჩინებულ მოსწავლეებს - მარიამ გერაძესა და გიგა ჯანელიძეს საქართველოს განათლებისა და მეცნიერების სამინისტროს წამახალისებელი საჩუქარი - პორტაბელური კომპიუტერები წყალტუბოს მუნიციპალიტეტის მერმა, გენადი ბალანჩივაძემ, საკრებულოს თავმჯდომარემ, თეიმურაზ ჭეიშვილმა დას საგანმანათლებლო რესურსცენტრის ხელმძღვანელმა - მამუკა ჩხეტიანმა გადასცეს. ღონისძიებაზე წყალტუბოს მუნიციპალიტეტის 28 მოსწავლე დაჯილდოვდა.
მერმა მადლობა გადაუხადა წარჩინებულ მოსწავლეებს, პედაგოგებსა და მოსწავლეთა მშობლებს.
სკოლა მოსწავლეებს წარმატებას ულოცავს და წინსვლას უსურვებს.
შეგახსენებთ, რომ პროგრამა - „ჩემი პირველი კომპიუტერი“ 2009 წლიდან ხორციელდება. პროგრამით საჯარო სკოლის ის მოსწავლეები სარგებლობენ, რომლებმაც საბაზო საფეხური წარჩინებით დაამთავრეს და მათი საფეხურის ნიშანი 10 ქულაა.
იხილეთ ფოტოები:
