გურამ უჯმაჯურიძის სახელობის ჩოხატაურის მუნიციპალიტეტის სოფელ ბასილეთის საჯარო სკოლაში, დაუნის სინდრომის მსოფლიო დღე აღინიშნა.

მოსწავლეები ამ დღის აღნიშვნას შეუერთდნენ დევიზით - „ჩვენ არ ვითვლით ქრომოსომებს“.

აღნიშნულ დღესთან დაკავშირებით, სკოლაში საინფორმაციო შეხვედრა მოეწყო, მოსწავლეებმა კედლის გაზეთი დაამზადეს და სოლიდარობა, ტრადიციული სიმბოლოთი - ჭრელი წინდებით გამოხატეს.

სკოლაში, საზოგადოებაში აქტუალურ საკითხებთან დაკავშირებით მოსწავლეთა ცნობიერების ამაღლებასა და მათში სოციალური პასუხისმგებლობის გააზრებას დიდი მნიშვნელობა ენიჭება.

იხილეთ ფოტოები: