აბაშის მუნიციპალიტეტის სოფელ გაუწყინარის საჯარო სკოლის პედაგოგების მიზანს ინტელექტუალური და წიგნიერი თაობის აღზრდა წარმოადგენს, ამიტომ მოზარდებს არაერთ საგანმანათლებლო ღონისძიებას, კონკურსსა თუ აქტივობას სთავაზობენ და მათი ცოდნის, ნიჭისა და უნარების წარმოჩენა-განვითარებას ცდილობენ. 

ამჯერად სკოლაში, ინტელექტუალური თამაშის - „ტვინების ბრძოლის“, სასკოლო ტური გაიმართა.

თამაშს, ისტორიის პედაგოგი მერაბ თოფურია ხელმძღვანელობდა.

შეჯიბრში, მონაწილეობა მიიღეს: III, IV და V კლასის მოსწავლეებმა, მათ საინტერესო შეკითხვებს უპასუხეს და საბოლოოდ კი, გამარჯვება IV კლასის მოსწავლეებმა მოიპოვეს.

გაუწყინარის საჯარო სკოლაში, მოსწავლეთა აქტიურობასა და კონკურენტუნარიან გარემოში მათი შესაძლებლობების წარმოჩენას დიდი ყურადღება ექცევა. 

იხილეთ ფოტოები: