ქუთაისის N16 საჯარო სკოლის მოსწავლე - ელენე კოდაევი, რომელმაც საბაზო საფეხური წარჩინებით დაამთავრა, პროგრამის - „ჩემი პირველი კომპიუტერი“ ფარგლებში დაჯილდოვდა.
წარჩინებულ მე-10 კლასის მოსწავლეს წამახალისებელი საჩუქარი - პორტაბელური კომპიუტერი გადაეცა.
მოსწავლეს დამსახურებული საჩუქარი სკოლის დირექტორმა - მერაბ ნუცუბიძემ გადასცა.
„ყოველ წელს ვიღებთ განათლების სამინისტროდან წარჩინებულთა საჩუქრებს. საამაყო და სასიხარულოა როდესაც ამ ჯილდოს სკოლის დირექტორი ბატონი მერაბ ნუცუბიძე თავად გადასცემს მათ“, - აღნიშნავს სკოლის წარმომადგენელი.
აღსანიშნავია, რომ პროგრამა - „ჩემი პირველი კომპიუტერი“ 2009 წლიდან ხორციელდება. პროგრამით საჯარო სკოლის ის მოსწავლეები სარგებლობენ, რომლებმაც საბაზო საფეხური წარჩინებით დაამთავრეს და მატი საფეხურის ნიშანი 10 ქულაა.
იხილეთ ფოტოები:
