ხარაულის საჯარო სკოლაში, წყლის რესურსების დაცვის საერთაშორისო დღესთან დაკავშირებით, ღონისძიება გაიმართა
22-03-2023
თემურ ზაქარაძის სახელობის ქედის მუნიციპალიტეტის სოფელ ხარაულის საჯარო სკოლაში, წყლის რესურსების დაცვის საერთაშორისო დღე აღინიშნა.
ღონისძიება სკოლის საბუნებისმეტყველო კათედრამ ჩატარა, რომელსაც მასწავლებლები: მაია ხარაძე და მზიანა ზოიძე ხელმძღვანელობდნენ.
შეხვედრაზე, აღნიშნულ საკითხთან დაკავშირებით, დაწყებითი კლასის მოსწავლეებმა და მოქმედ ეკოკლუბ Green Group-ის წევრებმა, პრეზენტაციები წარადგინეს.
პრეზენტაციებში, წყლის თვისებები, მისი მნიშვნელობა, წყლის დაცვის საკითხები და ეკოკლუბის წევრების მიერ განხორციელებული პროექტის - „წყალი სიცოცხლის საწყისის“, ანგარიში იყო ნაჩვენები.
ღონისძიების დასასრულს კი, მცირე დისკუსია გაიმართა.
იხილეთ ფოტოები:
სკოლების სიახლეები
