ამბროლაურის მუნიციპალიტეტის სოფელ წესის საჯარო სკოლაში საინტერესო აქტივობა გაიმართა,
მოსწავლეებმა მათემატიკური დღესასწაული - პი რიცხვის დღე აღნიშნეს. მათ დამსწრე საზოგადოებას ამ დღის ისტორია გააცნეს. ასევე, მოაწყვეს მინი წარმოდგენა, სადაც საყოფაცხოვრებო ნივთების - ჭიქა, თეფში და ფორთოხალი, საშუალებით, პი რიცხვის მნიშვნელობა და მუდმივობა დაადგინეს.
აქტივობის დასასრულს, გამოფენა მოეწყო, სადაც წარმოდგენილი იყო ნამუშევრები - „ჩემი თვალით დანახული პი რიცხვი“. მოსწავლეებმა პი რიცხვის მოტივებზე შექმნეს: სამაჯურები, პის ქალაქი, პის ველოსიპედი, პი რიცხვი პანდემიის დროს და ა.შ. მათ ამ რიცხვს ლექსიც კი მიუძღვნეს.
აქტივობა მათემატიკის პედაგოგმა, მერი თორთლაძემ მოამზადა.
„მათემატიკური დღესასწაული -პი რიცხვის დღე ყოველ წელიწადს მესამე თვის 14 რიცხვში (14მარტს) აღინიშნება“,- აღნიშნავენ სკოლაში.
იხილეთ ფოტოები:
