ოტია იოსელიანის სახელობის წყალტუბოს N1 საჯარო სკოლაში სხვადასხვა საკითხზე მოსწავლეთა ცნობიერების ამაღლებას მნიშვნელოვანი ყურადღება ექცევა. სწორედ ამ მიზნით, სკოლაში ცხოველთა დაცვის საერთაშორისო დღესთან დაკავშირებით, საინტერესო პრეზენტაცია მოეწყო.
სკოლის VIIბ კლასში (ხელმძღვანელი თ. ივანეიშვილი) მუსიკის გაკვეთილზე (მასწავლებელი - ქეთევან რატიანი) მოსწავლეებმა პრეზენტაცია თემაზე - კამილ სენ-სანსი „ცხოველთა კარნავალი“ წარადგინეს, სადაც კომპოზიტორის შემოქმედების შესახებ ისაუბრეს.
მეშვიდეკლასელებმა დამსწრე საზოგადოებას ნაწარმოების შექმნის ისტორია გააცნეს, ბოლოს კი მუსიკალური ტერმინების გამოყენებით, ყველა პიესა დაახასიათეს.
როგორც სკოლაში გვიყვებიან, პრეზენტაციას თან ახლდა ვიდეომასალა, რომელშიც წარმოდგენილი იყო ცხოველთა მუსიკალური პორტრეტები.
„პრეზენტაციამ დიდი მოწონება დაიმსახურა და დაამტკიცა, რომ მუსიკას საოცარი გამომსახველობითი უნარი აქვს“, - აღნიშნავს სკოლის წარმომადგენელი.
მსგავსი პრეზენტაციები და აქტივობები მოსწავლეთა განვითარებისა და მოტივაციის ამაღლებისთვის მნიშვნელოვანია.
იხილეთ ფოტოები:
