ყაზბეგის მუნიციპალიტეტის სოფელ გუდაურის საჯარო სკოლის პედაგოგები მოსწავლეებს მეტად საინტერესო სასწავლო პროცესს სთავაზობენ და მათი მოტივაციის ამაღლებას მრავალფეროვანი სასწავლო რესურსებისა და აქტივობებით ცდილობენ.
მათ შორის აღსანიშნავია, მე-3 კლასში ჩატარებული ქართული ენის გაკვეთილი. რომელიც მოსწავლეებისთვის შემეცნებითთან ერთად სახალისოც აღმოჩნდა.
სკოლის მესამე კლასის მასწავლებელმა - მაია ბურდულმა ბავშვებისთვის შექმნა სლაიდი კუმშვად-კვეცადი 7 სიტყვის (ქვეყანა, ქარხანა, ფანჯარა, ბეგარა, ტომარა, პეპელა, მოყვარე) გამოყენებით.
მან სახალისო ამბით მიაწოდა მოსწავლეებს ქართული ენის გრამატიკული მასალა კუმშვად - კვეცადი სიტყვების გამოყენებით.
„ვფიქრობ, ამ მცირე თხზულებით დიდ შედეგს მივაღწევ. ეს რესურსი ბავშვებს განუმტკიცებს ცოდნას სიტყვების სწორად ბრუნვის შესახებ. ეს ცოდნა გათვლილია გრძელვადიან პერსპექტივაზე“,- ამბობს მაია ბურდული.
მასწავლებელს არც მოსწავლეები ჩამორჩნენ და ნახატებით განიმტკიცეს ცოდნა კუმშვად- კვეცადი სიტყვების შესახებ.
იხილეთ ფოტოები:
