ნინოწმინდის მუნიციპალიტეტის სოფელ ოროჯალარის, განძის N2, ნინოწმინდის N1, ნინოწმინდის N2 და ნინოწმინდის N3 საჯარო სკოლები საინტერესო აქტივობაში მონაწილეობდნენ. 

ისინი ნინოწმინდის მუნიციპალიტეტის მერიის ყოველწლიურ მუნიციპალურ კონკურსში - „თოვლის ქანდაკებები“ ჩაერთნენ. მათ ნამუშევრები დიდი მონდომებით მოამზადეს, შემოქმედებითი შესაძლებლობები წარმოაჩინეს და დრო ნაყოფიერად გაატარეს. 

გამოვლინდნენ სხვადასხვა ადგილის მფლობელები. კონკურსში პირველი ადგილი - განძის N2 საჯარო სკოლამ, მეორე ადგილი - ნინოწმინდის N2 საჯარო სკოლამ, ხოლო მესამე ადგილი - ოროჯალარის საჯარო სკოლამ დაიკავა. ჟიურის სიმპათია კი ნინოწმინდის N1 საჯარო სკოლამ დაიმსახურა.

გამარჯვებულ სკოლებს დიპლომები და საჩუქრები გადაეცათ.

იხილეთ ფოტოები: