ქობულეთის მუნიციპალიტეტის ხუცუბნის საჯარო სკოლის მოსწავლეები აქტიურად არიან ჩართულნი არაფორმალური განათლების პროექტებში, სხვადასხვა საგანმანათლებლო ღონისძიებებში მონაწილეობენ და წარმატებასაც აღწევენ.
11 მარტს, X კლასის მოსწავლე ლიზი ჟიჟავაძემ და VIII კლასის მოსწავლეებმა - ნინია ჯინჭარაძემ, მარიამ ესელიძემ, ანანო მჟავანაძემ, ლიზი ქათამაძემ, ელენე თხილაიშვილმა, ანრი მოწყობილმა მონაწილეობა მიიღეს თბილისში, მიხეილ შენგელიას სახელობის ქართული მედიცინის მუზეუმში გამართულ მოსწავლეთა II რესპუბლიკურ კონფერენციაში - „ხალხური მედიცინა - ქართული კულტურის საგანძური“.
მოსწავლეებმა დამსწრეთ გააცნეს სოფელში შეგროვებული შელოცვები და სამკურნალო საშუალებათა რეცეპტები, დაათვალიერეს მუზეუმი. კონფერენცია იყო ძალიან ორგანიზებული, მოსწავლეებმა გაიმდიდრეს ცოდნა, დააგროვეს შთაბეჭდილებები.
მონაწილე მოსწავლეები და თემების ხელმძღვანელი მასწავლებლები - ნაირა ჟიჟავაძე და ინგა მიქელაძე დიპლომებითა და ფასიანი საჩუქრებით დაჯილდოვდნენ.
იხილეთ ფოტოები:
