გარდაბნის მუნიციპალიტეტის სოფელ ახალი სამგორის საჯარო სკოლაში მოსწავლეთა განვითარებისა და ცოდნის ამაღლების მიზნით, საინტერესო პროექტები ხორციელდება.
ამჯერად, სკოლაში მე-6 კლასის მოსწავლეებმა პედაგოგის - მანოლი აფციაურის ხელმძღვანელობით, პროექტი - „აფხაზეთი საქართველოა“ განახორციელეს.
მოსწავლეებმა პროექტის ფარგლებში, აფხაზეთის შესახებ (გეოგრაფიული მდებარეობაზე) - მის ეკლესია-მონასტრებზე, ქართულ-აფხაზურ ურთიერთობებსა და ტრადიციებზე, აფხაზეთის ომსა და დაღუპულ გმირებზე ისაუბრეს. მათ ასევე აფხაზეთში არსებული დღევანდელი მდგომარეობა განიხილეს.
მოსწავლეებმა ასევე თანატოლი აფხაზი გოგო-ბიჭების სახელზე წერილები დაწერეს.
პრეზენტაციის ბოლოს კი საქართველოს რუკა ააწყვეს.
აღსანიშნავია, რომ მოსწავლეთა ცოდნისა და ცნობიერების ამაღლების მიზნით, მსგავსი პროექტები მნიშვნელოვანია, რაზეც სკოლა ზრუნავს.
იხილეთ ფოტოები:
