ხობის მუნიციპალიტეტის სოფელ ხამისქურის საჯარო სკოლაში მოსწავლეებმა დედის დღე შემოქმედებითი აქტივობებით გაჯერებული ღონისძიებით აღნიშნეს.
ღონისძიებაზე (ხელმძღვანელი ფატიმა ტყებუჩავა) მოსწავლეებმა იცეკვეს, იმღერეს, მშობლების ჩართულობით სახალისო კითხვარი შეავსეს და დედებს 3 მარტი ასე მიულოცეს.
„ბავშვების ბედნიერი სახეები ყველაზე დიდი საჩუქარი იყო მშობლებისთვის. მადლობა ფატიმა მასწავლებელს გაწეული შრომისათვის..დედიკოებო, გილოცავთ დედის დღეს, გეხაროთ, გებედნიეროთ, გეზეიმოთ შვილების ნათელი, წარმატებული წელთა სიმრავლით“, - აღნიშნავს სკოლის წარმომადგენელი.
სკოლის წარმომადგენელი დედის დღეს პედაგოგებსა და მშობლებს ულოცავს და გულისხმიერ მადლობას უხდის პედაგოგ ფატიმა ტყებუჩავას.
მსგავსი აქტივობები მოსწავლეთა შემოქმედებით უნარებსა და შესაძლებლობებს წარმოაჩენს და განავითარებს.
