აფხაზეთის N14 საჯარო სკოლაში, დედისა და ქალთა დღეებისადმი მიძღვნილი, მრავალფეროვანი ღონისძიება გაიმართა.

ღონისძიებაში სხვადსხვა კლასის მოსწავლეები, აქტიურად და დიდი სიამოვნებით იყვნენ ჩართულნი.

„დედისგან გვესმის პირველი სიტყვა, ტკბილი იავნანა. დედა ღმერთია“, - ამ იდეის ირგვლივ გაერთიანებულმა მესამე კლასის მოსწავლეებმა, მასწავლებელ ირმა საჯაიასთან ერთად დედებს, დედის დღე მიულოცეს.

მე-8 კლასის მოსწავლეებმა, პედაგოგ ეშა თაკალანძესთან ერთად შთამბეჭდავი პოსტერი დაამზადეს.

ხოლო უფროსი კლასის მოსწავლეებმა: არჩილ ქირიამ, იაკობ კუპრავამ, თაზო საბულუამ, ნია ფეტელავამ, ლევანი შონიამ და გენადი ჯიტავამ, ქალბატონებს ქალთა საერთაშორისო დღე, 8 მარტი, ნახატებით მიულოცეს.

„დედა - ჩვენი პირველი მასწავლებელი და ბრძენი მეგზურია მთელი თავისი სიცოცხლის მანძილზე... მადლობა თითოეულ მონაწილეს და მასწავლებელს!“ - აღნიშნავენ სკოლაში.