წალენჯიხის მუნიციპალიტეტის საჩინოს თემის N2 საჯარო სკოლაში მოსწავლეთა ცოდნისა და მოტივაციის ამაღლებას მნიშვნელოვანი ყურადღება ექცევა. სწორედ ამ მიზნით, პედაგოგები მათ მრავალფეროვან, საინტერესო აქტივობებით გაჯერებულ გაკვეთილებს სთავაზობენ.
ამჯერად, 6 მარტს სკოლაში მათემატიკის საერთაშორისო დღესთან დაკავშირებით, პედაგოგმა, ნინო ჩიქობავამ მოსწავლეებს სახალისო გაკვეთილი ჩაუტარა.
როგორც სკოლაში გვიყვებიან, აღნიშნულ დღეს მოსწავლეები კიდევ ერთხელ გაეცნენ დიდი მათემატიკოსების ბიოგრაფიებს. მათ გაკვეთილზე ასევე იმსჯელეს, თუ რაში გამოადგებათ მათემატიკის ცოდნა და სად გამოიყენებენ მას. ბავშვებმა ასევე რამდენიმე საინტერესო ამოცანა ამოხსნეს და მათემატიკური უნარები გამოავლინეს.
სკოლის წარმომადგენელი გაკვეთილში მონაწილეობისთვის თითოეულ მოსწავლეს მადლობას უხდის.
იხილეთ ფოტოები:
