ტყიბულის მუნიციპალიტეტის სოფელ გელათის საჯარო სკოლაში 3 და 8 მარტი მრავალფეროვანი აქტივობებით აღინიშნა.
აქტივობებში (ხელმძღვანელი - ელისო მაწკეპლაძე) სკოლის საბაზო საფეხურის მოსწავლეები მონდომებით ჩაერთნენ.
როგორც სკოლაში აღნიშნავენ, მეცხრეკლასელებმა დედებს ღირსეულად უმასპინძლეს და მათ ეს დღე გაულამაზეს.
მოსწავლეებმა შეადგინეს კითხვარი - „როგორ ვიცნობთ ერთმანეთს?“, რომლის მეშვეობითაც ერთმანეთს უკეთ გაეცნენ.
სკოლაში ასევე გაიმართა ინტელექტუალური შეჯიბრი - „რა? სად? როდის?“, რომელიც ქართველ მწერლებსა და მათ დედებს ეძღვნებოდა).
მოსწავლეებმა აღნიშნულ დღესასწაულებთან დაკავშირებით, ასევე აქტივობა - „ახსენი და გამოიცანი ცნობილი ადამიანი“ გამართეს, რამაც ისინი გაამხიარულა.
დედები დადებითი ემოციებით აღივსნენ, როცა კედელზე შვილებთან ერთად გადაღებული ფოტოები გამოჩნდა.
„იყო ყვავილები, ხალისი, მხიარულება, ცრემლები“, - აღნიშნავს სკოლის წარმომადგენელი.
აღსანიშნავია, რომ მსგავსი აქტივობები მოსწავლეთა შემოქმედებითი უნარების განვითარებას და მოტივაციის ამაღლებას უწყობს ხელს.
