ნოშრევან ჯიშკარიანის სახელობის მარტვილის მუნიციპალიტეტის სოფელ ზედა ნაგვაზაოს საჯარო სკოლის მოსწავლეები თავიანთ ნიჭსა და შესაძლებლობებს არა მხოლოდ სასკოლო ღონისძიებებში, არამედ სკოლის გარეთაც წარმოაჩენენ.
ამის ერთ-ერთი მაგალითია სკოლის მე-7 კლასის მოსწავლე - გურამიკო სიგუა, რომელმაც „კინგსის“ ისტორიის ოლიმპიადაზე პირველი ადგილი დაიკავა და პირველი ხარისხის დიპლომით დაჯილდოვდა. ის ასევე წარმატებით მონაწილეობდა „კინგსის“ ქართული ენის ოლიმპიადაში, სადაც ბრინჯაოს მედალი მოიპოვა.
აღსანიშნავია, რომ მოსწავლეები ასევე შემოქმედებითი ნიჭითა და უნარებით გამოირჩევიან. ისინი სხვადასხვა ღონისძიებასა და აქტივობაში დიდი მონდომებით ერთვებიან.
ამჯერად, თავიანთი შესაძლებლობები პირვეკლასელებმა დედის დღისადმი მიძღვნილ ღონისძიებაზე გამოავლინეს, რომელიც დამრიგებელ ნანი სურმავა ხელმძღვანელობდა. დაწყებითი კლასის მოსწავლეებმა ეს დღე საყვარელ დედებს სიმღერებითა და ლექსებით მიულოცეს. დამსწრე საზოგადოება კი დადებითი ემოციებით აღავსეს.
სკოლა მათ წარმატებებს უსურვებს.
იხილეთ ფოტოები:
