ახალქალაქის მუნიციპალიტეტის სოფელ ბუზავეთის საჯარო სკოლაში სასწავლო წელი ნაყოფიერად მიმდინარეობს. 

მოსწავლეები განსაკუთრებული აქტიურობითა და სასაწავლო პროცესში ჩართულობით გამოირჩევიან. ისინი სხვადასხვა მნიშვნელოვან თარიღს მონდომებით აღნიშნავენ, ამიტომაც, მათი ყურადღების მიღმა არც დედის დღე დარჩენილა. 

სკოლაში ზეიმი დაწყებითი კლასელების ქართული ენის და სომხური ენის მასწავლებლების ხელმძღვანელობით გაიმართა. 

მოსწავლეები ამ დღის შესახებ ინფორმაციას გაეცნენ. საინტერესო აქტივობები გამართეს - იმღერეს, ლექსები წაიკითხეს და დრო ნაყოფიერად გაატარეს.