ჩოხატაურის მუნიციპალიტეტის სოფელ იანეულის საჯარო სკოლაში მოსწავლეებმა დედისა და ქალთა საერთაშორისო დღეებს მრავალფეროვანი ღონისძიება მიუძღვნეს.
ღონისძიებაზე - „ყველა სიკეთის დედაა ქალი… ქალი სიცოცხლის ჯადოქარია“ მოსწავლეებმა დამსწრე საზოგადოებას 3 და 8 მარტი მიულოცეს. იმღერეს, ლექსები შესანიშნავად წაიკითხეს, შესაძლებლობები შთამბეჭდავად გამოავლინეს და სკოლაში მხიარული ატმოსფერო შექმნეს.
მოსწავლეებმა ღონისძიების დასასრულს კი დამსწრე საზოგადოებას ყვავილები მიართვეს.
ღონისძიებას ხელმძღვანელობდნენ I კლასის დამრიგებელი - ანა მეფარიშვილი, IV კლასი დამრიგებელი - ნათია მეფარიშვილი, მუსიკალურად კი გააფორმა თეა შათირიშვილმა.
აღსანიშნავია, რომ მსგავსი ღონისძიებები და აქტივობები მოსწავლეთა შემოქმედებით უნარებს ავითარებს და მათ მოტივაციას უმაღლებს.
იხილეთ ფოტოები:
