იოსებ ოცხელის სახელობის ქალაქ ქუთაისის N2 საჯარო სკოლა, აქტიურად აგრძელებს ქუთაისის საჯარო სკოლებში მოგზაურობას და მათ წიგნს - „აღმოაჩინე ქუთაისი“, აცნობს.
წიგნი მოსწავლეებმა შექმნეს, მათ ქუთაისში არსებული კულტურულ-მემკვიდრეობითი ძეგლების, მათი დაარსებისა და ადგილმდებარეობის შესახებ ინფორმაციები მოიძიეს და ერთ წიგნად აკინძეს, რომელიც ქუთაისის გასაცნობად ერთგვარი გზამკვლევიც გახდა.
ამჯერად, წიგნის ავტორები - სანდრო ხანთაძე, გურამ ბანძელაძე, ლიზი კვიმსაძე, მარიამ ჟორჟოლიანი, მარიამ კვერნაძე, (XIგ კლასი დამრიგებელი თიკო სვანიძე) და ორგანიზატორები - მურად ჯიშკარიანი და დარინა ყურუა, ქუთაისის N32 საჯარო სკოლას ესტუმრნენ.
როგორც სკოლაში გვიყვებიან, შეხვედრის მთავარი მიზანი, ქუთაისის პოპულარიზაცია და ახალგაზრდებში, ქალაქში არსებული ღირსშესანიშნაობების შესახებ ცნობადობის გაზრდაა.
აღსანიშნავია, რომ სამენოვანი წიგნი - „აღმოაჩინე ქუთაისი“, ძალიან კარგი საშუალებაა ტურისტებისთვის, მარტივად დაგეგმონ მარშრუტი ქალაქის ტერიტორიაზე.
როგორც სკოლაში აანონსებენ, „აღმოაჩინე ქუთაისის“ მოგზაურობა კვლავ გაგრძელდება. უახლოეს პერიოდში დაგეგმილია ქუთაისის საჯარო სკოლების მოსწავლეებთან მორიგი შეხვედრები.
იხილეთ ფოტოები:
