ივანდიდის საჯარო სკოლის დაწყებითი კლასების მოსწავლეებმა დედებს 3 მარტი ღონისძიებით მიულოცეს
03-03-2023
გალაკტიონ ტაბიძის სახელობის ხონის მუნიციპალიტეტის სოფელ ივანდიდის საჯარო სკოლის დაწყებითი კლასების მოსწავლეებმა დედის დღისადმი მიძღვნილი ღონისძიება ბავშვთა გასართობ ცენტრში გამართეს.
ღონისძიებას ორგანიზება სკოლის მუსიკის მასწავლებელმა - ირმა ჯალაღანიამ გაუწია. ბავშვებმა გაზაფხულის ლამაზი დღესასწაული დედებს მიულოცეს და ყველაზე ძვირფასს ადამიანებს შთამბეჭდავი ღონისძიება მიუძღვნეს.
როგორც სკოლაში გვიყვებიან, პატარებმა სხვადასხვა სასცენო ნომრებით - სიმღერებით, ლექსებითა და ლამაზი სიტყვებით შეამკეს მათთვის ძვირფასი ადამიანები და გაულამაზეს ეს დღე.
„მრავალი წელი ყოფილიყოს თქვენი დედა-შვილობა! დედისა და დედაშვილობის სიყვარულით გამთბარი ათეული წლები აგეთვალოთ!“ - სკოლაში კიდევ ერთხელ ულოცავენ მოსწავლეებსა და მათ მშობლებს 3 მარტს.
იხილეთ ფოტოები:
სკოლების სიახლეები
